Իրանը սպառնացել է հարվածել «Իսրայելի սրտին»
Համաշխարհային Մամուլ
Իրանի նախագահ Իբրահիմ Ռաիսին խոսել է Իսրայելի սպառնալիքներին հնարավոր պատասխանի մասին։ Այս մասին հայտնում է IRNA գործակալությունը։ Նշվում է, որ Իրանի առաջնորդը դիմել է հրեական պետության ղեկավարներին։
«Դուք պետք է իմանաք, որ նույնիսկ ձեր ամենափոքր գործողություններն ու սպառնալիքները գաղտնի չեն մնում մեր զինված ուժերից և հետախուզությունից։ Միևնույն ժամանակ, մեր ազգի դեմ ուղղված ցանկացած սպառնալիքի դեպքում Իսրայելի սիրտը կլինի մեր Զինված ուժերի թիրախը, և դուք խաղաղություն չեք ունենա»,- ասել է Ռաիսին։
Ապրիլի 18-ին Իրանում անցկացվում է զորահանդես՝ ի պատիվ Ազգային բանակի օրվա, որտեղ ցուցադրվում են նրա հնարավորությունները։ Ռաիսին վստահեցրել է, որ իրանական բանակի հզորությունը «բոլորին հայտնի է թե՛ տարածաշրջանային, թե՛ միջազգային մակարդակով»։
Ավելի վաղ Իսրայելի վարչապետ Նաֆթալի Բենեթն առաջարկել էր Իրանի դեմ պատժամիջոցներ սահմանել Ռուսաստանի օրինակով՝ որպես այլընտրանք Իրանի միջուկային գործարքին:
Ամենադիտված 
Մնաս բարյավ. Րաֆֆի Հովհաննիսյան
