Պուտինը հաղորդել է Ուկրաինայից ՌԴ ներգաղթած փախստականների թվի մասին

ՌԴ նախագահ Վլադիմիր Պուտինի խոսքով՝ մոտ 1 միլիոն փախստականներ Ռուսաստան են մտել Ուկրաինայից․ այս թիվը ներառում է մոտ 100 հազար երեխա։
 
Այս ցուցանիշը գրեթե երկու անգամ գերազանցում է ՄԱԿ-ի փախստականների հարցերով գործակալության տված ցուցանիշը։  Ըստ ՄԱԿ-ի`  փետրվարի 24-ից ապրիլի 24-ը Ուկրաինայից հեռացել է ընդհանուր առմամբ մոտ 5,2 մլն մարդ։  Նրանցից մոտ 605,8 հազար մարդ մեկնել է Ռուսաստան։  ՄԱԿ-ը նաև պարզաբանում է, որ փետրվարի 18-ից 23-ն ընկած ժամանակահատվածում Դոնեցկի և Լուգանսկի մարզերից Ռուսաստանի Դաշնություն է տեղափոխվել ևս 105 հազար մարդ։
 
 Փետրվարի 18-ին Դոնեցկի և Լուգանսկի Ժողովրդական Հանրապետությունների ղեկավարները հայտարարեցին բնակչության` Ռուսաստան զանգվածային տարհանման մասին՝ «Ուկրաինայի կողմից հարձակման սպառնալիքի» պատճառով։