ՌԴ նախագահի հատուկ ներկայացուցիչը հանդիպել է Ադրբեջանի արտգործնախարարի հետ

Ռուսաստանի նախագահի սահմանների սահմանազատման և սահմանագծման հարցերով հատուկ ներկայացուցիչ Միխայիլ Պետրակովը Բաքվում հանդիպել է Ադրբեջանի արտգործնախարար Ջեյհուն Բայրամովի հետ։

Հաղորդվում է, որ կողմերը քննարկել են Կասպից ծովում համագործակցության հարցերը, ինչպես նաև Հայաստանի, Ռուսաստանի և Ադրբեջանի ղեկավարների եռակողմ հայտարարության կատարման ընթացքը, այդ թվում՝ սահմանազատման և հաղորդակցությունների ապաշրջափակման հարցերը։