Ուկրաինան Վրաստանից պահանջում է զենքի մատակարարում և երկրորդ ճակատի բացում. Զուրաբիշվիլի

Ուկրաինան Վրաստանից պահանջում է զենքի մատակարարում և երկրորդ ճակատի բացում։ Այս մասին Deutsche Welle-ին տված հարցազրույցում ասել է Վրաստանի նախագահ Սալոմե Զուրաբիշվիլին։

«Ուկրաինացիները հաճախ ավելին են պահանջում իրենց գործընկերներից և ոչ միայն Վրաստանից։ Տարբեր գործընկերների հետ կապված կոպիտ հայտարարությունների են դիմում։ Այո, Վրաստանից էլ են ուզում զենք ստանալ, որ Վրաստանը երկրորդ ճակատ բացի։ Այս ամենն անհնար է»,- ասել է Զուրաբիշվիլին։

Նա նշել է, որ Վրաստանն այս հարցում պետք է շատ զգույշ լինի, քանի որ զինված հակամարտության դեպքում այս երկրին չեն օգնի այնպես, ինչպես Կիևին։ Միևնույն ժամանակ Զուրաբիշվիլին հայտարարել է իր համերաշխությունը Կիևի ռեժիմին։

Հարկ է նշել, որ ԱՄՆ Պետդեպարտամենտի խոսնակ Նեդ Փրայսը ավելի վաղ հայտարարել էր, որ Վաշինգտոնը մտադիր է օգնել Վրաստանին և Մոլդովային, եթե նրանք ռազմական հակամարտության մեջ մտնեն Ռուսաստանի հետ։ Նա ասել էր, որ այս հարցի շուրջ «քննարկումներ» են ընթանում այս երկրների ղեկավարության հետ։