Հաղթելու ենք․ Զելենսկին տեսաուղերձ է հրապարակել Հաղթանակի օրվա առթիվ

«Շատ շուտով Ուկրաինայում Հաղթանակի երկու օր է լինելու, և ինչ-որ մեկն այն ընդհանրապես չի ունենալու»,֊ասել է Ուկրաինայի նախագահ Վոլոդիմիր Զելենսկին՝ Երկրորդ համաշխարհային պատերազմում նացիզմի դեմ հաղթանակի օրվա կապակցությամբ Կիևի Խրեշչատիկում ձայնագրված իր ուղերձում։

«Չկա ավելի վտանգավոր բան, քան նենգ թշնամին, և չկա ավելի թունավոր բան, քան երևակայական ընկերը: Սրանք ուկրաինացի մեծ փիլիսոփա Հրիհորի Սկովորոդայի խոսքերն են։ Փետրվարի 24-ին մենք հասկացանք այս ճշմարտությունը։ Սա երկու բանակների պատերազմ չէ, դա երկու աշխարհայացքի պատերազմ է։

Այսօր մենք պատերազմի մեջ ենք և ոչ մեկին չենք զիջի մեր հողից ոչ մի կտոր, այսօր նշում ենք նացիզմի դեմ հաղթանակի օրը և ոչ մեկին չենք տա մեր պատմության ոչ մի կտոր։ Մենք հպարտ ենք մեր նախնիներով, ովքեր այլ ժողովուրդների հետ միասին հաղթեցին նացիզմին հակահիտլերյան կոալիցիայի կազմում։ Մենք թույլ չենք տա, որ այս հաղթանակը կցվի, թույլ չենք տա, որ այն յուրացվի։

Նացիզմի դեմ հաղթանակի օրը մենք պայքարում ենք նոր հաղթանակի համար։ Այդ ճանապարհը դժվար է, բայց մենք չենք կասկածում, որ հաղթելու ենք։ Ո՞րն է մեր առավելությունը թշնամու նկատմամբ։ Մենք մեկ գրքով ավելի խելացի ենք: Դա Ուկրաինայի պատմության դասագիրքն է։ Մենք չէինք իմանա վիշտը, եթե մեր բոլոր թշնամիները կարողանային կարդալ և ճիշտ եզրակացություններ անել:

Փետրվարի 24-ին Ռուսաստանը անցավ հարձակման։ Հարձակում նույն փոցխի վրա։ Դրանց վրա է ոտք դնում յուրաքանչյուր զավթիչ, ով գալիս է մեր երկիր։ Մենք տարբեր պատերազմներ ենք ապրել։ Բայց նրանք բոլորն էլ նույն ավարտն ունեցան։

Եվ շատ շուտով Ուկրաինայում երկու Հաղթանակի օր է լինելու։ Եվ ինչ-որ մեկն այն ընդհանրապես չի ունենալու։ Այն ժամանակ մենք հաղթեցինք։ Եկեք հաղթենք նաև հիմա: Եվ Խրեշչատիկը կտեսնի հաղթական շքերթը` Ուկրաինայի հաղթանակը: Շնորհավոր նացիզմի դեմ հաղթանակի օրը: Փա՛ռք Ուկրաինային»,֊ասել է Զելենսկին։

Տեսաուղերձը՝ այստեղ։