Ֆինլանդիայի և Շվեդիայի` ՆԱՏՕ-ին անդամակցությունն Արկտիկան կվերածի «թեժ կետի». NI

Ամերիկյան The National Interest ամսագիրը զգուշացրել է, որ ՆԱՏՕ-ի ընդլայնումը դեպի Սկանդինավյան թերակղզի կարող է ապակայունացնել Արկտիկան, և եթե Շվեդիան և Ֆինլանդիան ընդունվեն ՆԱՏՕ, դժվար թե Ռուսաստանը երբևէ էականորեն ներգրավվի Արկտիկայի կառավարման մեջ:

Ինչպես հիշեցրել է հոդվածի հեղինակ Քեթրին Ուրբանը, Սառը պատերազմի ավարտից հետո Արկտիկայի տարածաշրջանը «համեմատաբար խաղաղ» ապրեց՝ 1990-ականներին միջազգային հարաբերությունների ջերմացման և երկրների միջև փոխադարձ շահերի հարգման շնորհիվ: Այնուամենայնիվ, այս խաղաղության պահպանման ամենակարևոր գործոնը, հավանաբար, արևմտյան և ռուսական շահերի միջև կայուն հավասարակշռությունն էր:

Հեղինակը նշում է, որ վերջին տարիներին Ռուսաստանն ու Միացյալ Նահանգները տարաձայնություններ են ունեցել Արկտիկայի անվտանգության հիմնական հարցերի շուրջ, ներառյալ Արկտիկական խորհրդի շրջանակներում ռազմական բանակցությունների և Արկտիկայի հարցերում Չինաստանի դերի մասին բանավեճերը: Նման դեպքերում Շվեդիայի և Ֆինլանդիայի դիրքորոշումները՝ ՆԱՏՕ-ի անդամ չհանդիսացող միակ Արկտիկայի երկրները, բացի Ռուսաստանից, կարևոր նշանակություն ունեն փոխզիջման հասնելու համար:

«Շվեդիայի և Ֆինլանդիայի մուտքը ՆԱՏՕ կարող է թուլացնել Մոսկվայի դիրքերը Եվրոպայում՝ դաշինքին ավելի մոտեցնելով Ռուսաստանի սահմաններին։ Բայց ՆԱՏՕ-ի ընդլայնումը սկանդինավյան տարածաշրջանում կունենա նաև անվտանգության երկարաժամկետ հետևանքներ... Հրաժարվելով իրենց չեզոք կարգավիճակից՝ Շվեդիան և Ֆինլանդիան մշտապես կապակայունացնեն ուժերի հավասարակշռությունը Արկտիկայում»,- գրում է Ուրբանը։

Մայիսի 15-ին Շվեդիան պաշտոնապես որոշեց դիմել ՆԱՏՕ-ին անդամակցելու համար։ Ֆինլանդիայի նախագահ Սաուլի Նիինիստեն նույնպես ասել է, որ իր երկիրը շուտով կդիմի դաշինքին միանալու համար։