Մեծ Բրիտանիան պատրաստ է Ուկրաինայի փոխարեն անցկացնել «Եվրատեսիլը» 2023 թվականին. The Guardian

Նեզալեժնայում ստեղծված իրավիճակի պատճառով 2023 թվականին Ուկրաինայի փոխարեն Մեծ Բրիտանիան կարող է ընդունել «Եվրատեսիլ» երգի մրցույթը։ Այս մասին ասվում է The Guardian թերթի հրապարակման մեջ։

«Մինչ Մեծ Բրիտանիան զբաղեցրեց երկրորդ տեղը, Ուկրաինայի հաղթանակը դեռևս հույսի շող է տալիս 1998 թվականից ի վեր առաջին անգամ հյուրընկալելու «Եվրատեսիլը»: Ավանդաբար, շոուի հաղթողն է այն վարում հաջորդ տարի, բայց հաշվի առնելով Ուկրաինայում առկա իրավիճակը, Եվրոպական հեռարձակողների միությունը կարող է զգույշ լինել մեկ տարի անց Կիևում միջոցառում ծրագրելու հարցում»,- ասվում է հոդվածում։

Երկիրը, որը կընդունի մրցույթը հաջորդ տարի, կընտրվի «մեծ հնգյակի» այն պետություններից, որոնք «ամենամեծ ներդրումն ունեն «Եվրատեսիլի» գանձարանում»։ Բացի Մեծ Բրիտանիայից, այս խմբում ընդգրկված են Ֆրանսիան, Գերմանիան, Իտալիան և Իսպանիան: Մադրիդն արդեն հայտարարել է 2023 թվականին երաժշտական ​​մրցույթ անցկացնելու պատրաստակամության մասին, եթե Կիևը չկարողանա դա անել։