Թուրքիան կարող է հեռացվել ՆԱՏՕ-ից. CNN

Թուրքիան կարող է հեռացվել ՆԱՏՕ-ից՝ կապված Ֆինլանդիայի և Շվեդիայի դաշինքին անդամակցելու վերաբերյալ երկրի իշխանությունների դիրքորոշման հետ։ Այս մասին հայտնի է դարձել CNN-ի սյունակագիր Դեյվիդ Անդելմանի նյութից։

«Արդեն բազմաթիվ մտքեր կային Թուրքիային ՆԱՏՕ-ից հեռացնելու մասին, հատկապես այն բանից հետո, երբ [Թուրքիայի նախագահ Ռեջեփ Թայիփ] Էրդողանը երեք տարի առաջ Ռուսաստանից գնեց ռուսական S-400 հակաօդային պաշտպանության համակարգեր», - ասել է լրագրողը։ Նա հավելել է, որ նման որոշումը կարող է թուլացնել Հյուսիսատլանտյան դաշինքի դիրքերը ռազմավարական նշանակություն ունեցող տարածաշրջանում։

Անդելմանը Էրդողանին անվանել է «օգտակար ընկեր» Ռուսաստանի նախագահ Վլադիմիր Պուտինի համար։ Նրա խոսքով, Ռուսաստանի պետության ղեկավարը բավականին շատ դաշնակիցներ ունի ամբողջ աշխարհում, որպեսզի թույլ չտա արեւմտյան դաշինքներին խոչընդոտել իր հավակնություններին։

Ավելի վաղ Էրդողանը հայտարարել էր, որ հավանություն չի տա Ֆինլանդիայի ու Շվեդիայի անդամակցությանը ՆԱՏՕ-ին, իսկ երկրների ղեկավարությանը խնդրել էր չնեղանալ իրենից։ Նա հիշեցրել է, որ Հելսինկին և Ստոկհոլմը ակտիվորեն աջակցում են Քրդստանի աշխատավորական կուսակցությանը, որի դեմ անընդհատ պայքար է մղվում Թուրքիայում։