Ինչ պայմանով Թուրքիան կհամաձայնի Շվեդիայի և Ֆինլանդիայի՝ ՆԱՏՕ-ին անդամակցությանը․ Bloomberg

Թուրքիան Շվեդիային և Ֆինլանդիային ՆԱՏՕ-ի կազմում ընդունելու համաձայնության համար նրանցից պահանջել է հրապարակայնորեն դատապարտել Թուրքիայում արգելված ահաբեկչական համարվող կազմակերպությանը, չեղարկել ռուսական C-400 հրթիռային համակարգերի գնման պատժամիջոցները և վերացնել սպառազինությունների մատակարարման սահմանափակումները, որոնք նրանք ներդրել են 2019 թվականին՝ Սիրիայում ռազմական հակամարտությանը Թուրքիայի մասնակցության պատճառով։ Այս մասին հայտնում է Bloomberg-ը՝ հղում անելով Անկարայի բարձրաստիճան աղբյուրներին։

Նրանք հայտնելլ են, որ թուրքական իշխանությունները չեն ցանկանում կրկնել Հունաստանը ՆԱՏՕ-ին վերադարձնելու պաշտոնական համաձայնության մասին պատմությունը։ Անկարան դա տվել է 1980 թվականին՝ չնայած Թուրքիայի և Հունաստանի միջև Կիպրոսի շուրջ տարաձայնություններին։ ՆԱՏՕ-ին անդամակցելը պահանջում է Հյուսիսատլանտյան խորհրդի՝ ՆԱՏՕ-ի գլխավոր քաղաքական կառավարման մարմնի կողմից ներկայացված դիմումների քննարկումը: Անդամակցության պայմանագիրը պետք է վավերացվի ազգային մակարդակով՝ դաշինքի անդամ բոլոր 30 երկրներում։

Թուրքիայի նախագահ Ռեջեփ Թայիփ Էրդողանը ավելի վաղ հայտարարել էր, որ Անկարան պատրաստ չէ հավանություն տալ Ֆինլանդիայի և Շվեդիայի անդամակցությանը ՆԱՏՕ֊ին։