Պուտինի նոր փեսան Զելենսկի ազգանունն ունի. ԶԼՄ
Համաշխարհային Մամուլ
ՌԴ նախագահ Վլադիմիր Պուտինի կրտսեր դուստրը երեխա ունի պարող Իգոր Զելենսկուց։ Այս մասին ասվում է ռուսական «Важные истории» հրատարակության և գերմանական «Der Spiegel»-ի լրագրողների համատեղ հետաքննության մեջ։
Զելենսկին հայտնի ռուս արտիստ է, ով ստանձնել է Բավարիայի պետական բալետի տնօրենի պաշտոնը 2016 թվականին և այդ ժամանակվանից ապրում է Գերմանիայում։ Մոտավորապես նույն ժամանակ Եկատերինա Տիխոնովան՝ Պուտինի դուստրը, բաժանվել է ամուսնուց՝ Կիրիլ Շամալովից և սկսել հաճախակի թռչել Մյունխեն, որտեղ աշխատում էր Զելենսկին։ Իր ճանապարհորդությունների ժամանակ նա, ի թիվս այլ բաների, օգտագործել է Կուզնեցով ազգանունով տրված մեկ այլ անձնագիր։
Ըստ լրագրողների՝ 2019 թվականի վերջին Տիխոնովան վերջապես տեղափոխվել է Բավարիա։
2017 թվականին Տիխոնովան դուստր է լույս աշխարհ բերել։ Նրա հայրանունն է Իգորևնա։
2022 թվականի ապրիլի սկզբին Իգոր Զելենսկին լքել է «Բավարիայի» բալետը։ Պաշտոնապես՝ ընտանեկան պատճառներով, բայց, ըստ երևույթին, Ռուսաստանի` Ուկրաինայում ռազմական գործողությունները դատապարտելուց հրաժարվելու պատճառով։
Լրագրողները չգիտեն, թե այժմ որտեղ են Զելենսկին ու Պուտինի դուստրը։
Նշենք, որ Եկատերինա Տիխոնովան իր քրոջ՝ Մարիա Վորոնցովայի հետ 2022 թվականի ապրիլին ընկավ Արևմուտքի պատժամիջոցների տակ:
Ամենադիտված 
Մնաս բարյավ. Րաֆֆի Հովհաննիսյան
