Մեզ մոտ մարդիկ են մահանում, իսկ նրանք նավթի մասին են խոսում. Զելենսկին քննադատել է Արևմուտքին

Ուկրաինայի նախագահ Վոլոդիմիր Զելենսկին դատապարտել է արևմտյան երկրների անվճռականությունը ռուսական նավթային էմբարգոյի, ԵՄ-ին Ուկրաինայի անդամակցության, ինչպես նաև Շվեդիայի և Ֆինլանդիայի արագ մուտքը ՆԱՏՕ հարցերում, գրում է Fokus.ua-ն։

Նախագահ Վոլոդիմիր Զելենսկին քննադատել է արևմտյան երկրներին ԵՄ-ին Ուկրաինայի անդամակցության, Ռուսաստանի Դաշնության դեմ պատժամիջոցների վեցերորդ փաթեթի ներդրման, ինչպես նաև Ֆինլանդիայի և Շվեդիայի՝ ՆԱՏՕ մտնելու հարցում միասնական դիրքորոշման բացակայության համար։ Այս մասին երկրի ղեկավարն ասել է չորեքշաբթի օրը՝ մայիսի 25-ին, Դավոսում տնտեսական ֆորումի «ուկրաինական նախաճաշի» ժամանակ։

Զելենսկու խոսքով՝ Ուկրաինան այսօր «լիովին չի զգում», որ արևմտյան երկրներն իրեն ընկալում են՝ որպես հավասար պետություն։

«Մենք չենք զգացել, երբ Ուկրաինան չտարվեց ՆԱՏՕ, հետո չզգացինք, երբ կռվեցինք փակ երկնքի համար: Եվ այսպես, գիտեք, քայլ առ քայլ, ինչ-որ կերպ այս հարցը մոռացվեց: Ինչ-որ մեկը մոռացավ, բայց մենք չմոռացանք։ Տվեք մեզ ինքնաթիռներ, սա «ՆԱՏՕ-ի պատերազմ չէ Ռուսաստանի դեմ», ֊ ասել է պետության ղեկավարը։

Զելենսկին բարձրացրել է նաև Եվրամիությանը Ուկրաինայի անդամակցության դիմումի հարցը։ Նախագահի խոսքով՝ Արևմուտքը միասնական դիրքորոշում չունի այս հարցում. «Հիմա՝ Եվրամիության հարցը: Խնդրում եմ, ասեք, կա՞ միասնություն, Ուկրաինայի ապագայի վերաբերյալ, կա՞ միասնություն, ես դա դեռ չեմ տեսնում։ Արդյո՞ք սա արդար է։ Ոչ»,֊ասել է Զելենսկին։