Մի՛ նվաստացրեք Ռուսաստանին․ Մակրոն

Ֆրանսիայի նախագահ Էմանուել Մակրոնը կարծում է, որ ՌԴ նախագահը «հիմնարար սխալ» է թույլ տվել, սակայն հորդորել է չնվաստացնել Ռուսաստանին, քանի որ ապագայում անհրաժեշտ կլինի դիվանագիտական ​​լուծումներ առաջարկել։ Այս մասին հայտնում է The Guardian-ը։

«Կարծում եմ (և ես ասել եմ նրան (Վլադիմիր Պուտինին - խմբ․) այս մասին), որ նա պատմական և հիմնարար սխալ է թույլ տվել իր ժողովրդի, անձամբ իր և պատմության համար։ Կարծում եմ՝ նա մեկուսացրել է իրեն»,- ասել է Մակրոնը։

Քաղաքական գործիչը հավելել է, որ Ուկրաինայում ռազմական գործողությունների դադարեցումից հետո անհրաժեշտ կլինի դիվանագիտական ​​լուծումներ փնտրել, ուստի «Ռուսաստանին չի կարելի նվաստացնել»։

Մակրոնը նաև ասել է, որ չի բացառում իր այցը Կիև։