Զախարովայի հետ հարցազրույցից հետո իտալացի հեռուստահաղորդավարի ինքնազգացողությունը վատացել է

Իտալական La7 հեռուստաալիքի հաղորդավար Մասիմո Ջիլետտին իրեն վատ է զգացել կիրակի օրը՝ հունիսի 5-ին, ՌԴ ԱԳՆ պաշտոնական ներկայացուցիչ Մարիա Զախարովայի հետ հարցազրույցից հետո։
Զախարովայի հետ Skype-ով տված հարցազրույցից հետո Ջիլետտին և Non è l'Arena ստուդիայի հյուրերը պատրաստվում էին քննարկել ՌԴ ԱԳՆ ներկայացուցչի հետ զրույցը։ Համահաղորդավար Ջիլետտին մի քանի անգամ օգնության է կանչել գործընկերոջը, որից հետո հաղորդումն ընդհատվել է գովազդով։

Ավելի ուշ Ջիլետտիի գործընկերը հաստատել է, որ նրա ինքնազգացողությունը վատացել է։

«Շատ ցուրտ էր, միգուցե արյանս մեջ շաքարն իջավ», - մեջբերում է Adnkronos պորտալը լրագրողին, որը եթեր է վերադարձել 15 րոպե բացակայությունից հետո։

Զրույցի ընթացքում Ջիլետտին և Զախարովան անդրադարձել են ընթացիկ միջազգային օրակարգի զգայուն թեմաներին։ Մասնավորապես, քննարկվել են ԱՄՆ-ի գլխավորությամբ հավաքական Արեւմուտքի երկրների հետ Ռուսաստանի երկխոսության և ռուսաֆոբ քաղաքականության խնդիրները։ Զախարովան հաստատել է նաև Ռուսաստանի արտաքին գործերի նախարար Սերգեյ Լավրովի ինքնաթիռի համար օդային տարածքի փակումը։ Լավրովն, ինչպես հայտնի է, Սերբիա պետք է այցելեր հունիսի 6-ին։