Երրորդ համաշխարհային պատերազմը հայտարարված է․ Հռոմի պապ
Համաշխարհային Մամուլ
Հռոմի պապ Ֆրանցիսկոսը կարծիք է հայտնել, որ աշխարհում երրորդ համաշխարհային պատերազմ է հայտարարվել։ «Մի քանի տարի առաջ մտքովս անցավ ասել, որ մենք ապրում ենք երրորդ համաշխարհային պատերազմը մաս-մաս: Այսօր, կարծում եմ, երրորդ համաշխարհային պատերազմը հայտարարված է»,- ասել է Պոնտիֆիկոսը եվրոպական ամսագրերի ղեկավարների հետ զրույցում, մեջբերում է La Stampa թերթը: «Եվ սա մի բան է, որը պետք է մեզ մտածելու տեղիք տա։ Ի՞նչ է պատահում մարդկությանը, որը մեկ դարում վերապրել է երեք համաշխարհային պատերազմ: Դա վատ է մարդկության համար, դա աղետ է»,֊ասել է Ֆրանցիսկոսը:
Հռոմի կաթոլիկ եկեղեցու առաջնորդը հիշեցրել է, որ Ուկրաինայից բացի՝ հակամարտությունները շարունակվում են նաև այլ երկրներում։ «Մտածեք Աֆրիկայի, Հյուսիսային Նիգերիայի, Հյուսիսային Կոնգոյի մասին, որտեղ պատերազմը դեռ շարունակվում է, և ոչ ոքի դա չի հետաքրքրում: Մտածեք Ռուանդայի մասին: Մտածեք Մյանմարի և Ռոհինջայի մասին: Աշխարհը պատերազմի մեջ է», - ասել է Հռոմի պապը:
Ամենադիտված 
Մնաս բարյավ. Րաֆֆի Հովհաննիսյան
