Թուրքիան Ուկրաինայից և ևս 9 երկրներից հողատարածք կվարձակալի
Համաշխարհային Մամուլ
Թուրքիան բանակցություններ է վարում 10 երկրների, այդ թվում՝ Ուկրաինայի հետ գյուղատնտեսական արտադրանքի համար հողեր վարձակալելու համար։ Այս մասին հայտնում է Türkiye թերթը։
«Այդ տարածքներում նախատեսվում է աճեցնել այն մշակաբույսերը, որոնց արտադրությունը բուն Թուրքիայի տարածքում բնակլիմայական կամ այլ պատճառներով անհնար է։ Նախատեսվում է արտահանման համար ժամանակակից արտադրանք մատակարարել»,֊թերթը մեջբերում է Թուրքիայի գյուղատնտեսության և անտառային տնտեսության նախարար Վահիտ Կիրիշչիի խոսքերը։
Ինչպես գրում է Hurriyet թերթը, բացի Ուկրաինայից՝ թուրքական իշխանությունները այս հարցում բանակցում են Լատինական Ամերիկայի և Աֆրիկայի պետությունների հետ։
Թուրքական կողմն ակնկալում է արտասահմանում աճեցնել արևածաղիկ, եգիպտացորեն, բամբակ, շաքարեղեգ, երեքնուկ, արքայախնձոր, մանգո և ավոկադո։ Արտադրանքի մեծ մասը կարտահանվի, նախագծերը կիրականացվեն մասնավոր հատվածի կողմից։
Ըստ թերթի՝ համապատասխան հարցը քննարկվել է Վենեսուելայի նախագահ Նիկոլաս Մադուրոյի՝ Թուրքիա կատարած այցի ժամանակ։ Լատինական Ամերիկան իր հերթին առաջարկել է 400 հազար հեկտար հողատարածք։
«Արտադրեք 100 կգ ցորեն, 70-ը ձեզ համար վերցրեք, 30-ը թողեք, մեզ բավական է»,- ասել է Վենեսուելայի գյուղատնտեսության նախարարության ղեկավար Վիլմարա Կաստրո Սոտելդոն։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
