ԱՄՆ-ն սառեցրել է Ուկրաինային անօդաչու սարքերի վաճառքը․ Reuters

Ջո Բայդենի վարչակազմի՝ Ուկրաինային չորս ամերիկյան MQ-1C Gray Eagle հետախուզական և հարվածային անօդաչու թռչող սարքեր վաճառելու գործարքը հետաձգվել է այն մտավախությունների պատճառով, որ սարքավորումները կարող են հայտնվել ռուս զինվորականների ձեռքում: Այս մասին հայտնում է Reuters-ը՝ վկայակոչելով երկու աղբյուրների։
Տեխնիկական առարկությունները բարձրացվել են Պենտագոնի գրասենյակի կողմից ԱՄՆ ռազմական տեխնոլոգիաների ապահովման համար պատասխանատու գրասենյակի մանրամասն վերանայման ժամանակ: Ավելի վաղ վաճառքը, որը քննարկվում էր մարտ ամսից, հավանության էր արժանացել Սպիտակ տան կողմից, նշել են գործակալության զրուցակիցները։

Առարկությունները կապված են այն փաստի հետ, որ անօդաչու սարքերի ռադիոտեղորոշիչները կարող են վտանգավոր լինել ԱՄՆ անվտանգության համար, եթե դրանք ընկնեն ռուս զինվորականների ձեռքը։

Գործակալության աղբյուրները հայտնել են, որ այս նկատառումն ի սկզբանե հաշվի չի առնվել, սակայն այս հարցը բարձրացվել է անցյալ շաբաթվա վերջին Պենտագոնում կայացած հանդիպումների ժամանակ։

Գործարքին կանաչ լույս վառելու հարցը քննարկվում է Պենտագոնի բարձրագույն իշխանությունների կողմից, սակայն որոշման ժամկետը պարզ չէ, Reuters-ին ասել է աղբյուրը։