Ընթրիք միլիարդատիրոջ հետ․ Ուորեն Բաֆեթի հետ ընթրելու համար երիտասարդը 19 միլիոն դոլար է վճարել

Berkshire Hathaway-ի գործադիր տնօրեն Ուորեն Բաֆեթի հետ ընթրելու իրավունքը Ebay բարեգործական աճուրդում վաճառվել է 19 մլն դոլարով, հայտնում է Bloomberg-ը։ Գնորդը ցանկացել է անանուն մնալ։

Glide բարեգործական հիմնադրամի համար գումար հավաքելու աճուրդը բացվել է հունիսի 12-ին՝ 25 000 դոլար մեկնարկային գնով, և մինչև երկուշաբթի հայտերը գերազանցել են 2 միլիոն դոլարը։ Վերջնական սակագինը կազմել է 19 միլիոն դոլար։

Նախորդ ռեկորդը սահմանել է BitTorrent-ի գործադիր տնօրեն Ջասթին Սունը, ով 2019 թվականին Բաֆեթի հետ ընթրիքի համար վճարել է 4,57 միլիոն դոլար։

90-ամյա Բաֆեթը 2000 թվականից ի վեր իր հետ ընթրիքի առաջարկ է արել, 2020 և 2021 թվականներին աճուրդ չի եղել՝ կորոնավիրուսի համաճարակի պատճառով: 20 տարվա ընթացքում նախաձեռնությունը հավաքել է ավելի քան 53 միլիոն դոլար: 2022 թվականի աճուրդը վերջինն էր: