Հնդկաստանը կարող է հայտնվել սովի շեմին. Economic Times

Պահանջարկի աճի պատճառով Հնդկաստանի տնտեսությունը բախվում է բրնձի գնի տագնապալի բարձրացմանը։ Այս մասին հայտնում է Economic Times-ի տեղական հրատարակությունը։

Հնդկաստանում բրնձի պահանջարկն աճել է Ուկրաինայից հացահատիկի մատակարարման կրճատման, ինչպես նաև Հինդուստան թերակղզում երաշտի պատճառով։ Բնակչության մի զգալի մասն սկսել է նախընտրել ավելի էժան բրինձը հացահատիկից։

Առայժմ փորձագետներն ասում են, որ պետք չէ շատ անհանգստանալ, քանի որ Հնդկաստանը բավականին թույլ է տուժել պարենային ճգնաժամից, սակայն, եթե բրնձի գների աճը շարունակվի, հետևանքները կարող են լինել անկանխատեսելի՝ ընդհուպ մինչև հումանիտար աղետ։