Nike-ը վերջնականապես հեռանում է Ռուսաստանից

Հագուստի և կոշիկի ամերիկյան Nike ընկերությունը որոշել է ամբողջությամբ լքել ռուսական շուկան, ասվում է ընկերության կայքում տեղադրված հաղորդագրության մեջ։

<Nike-ը որոշում է կայացրել դուրս գալ ռուսական շուկայից: Արդյունքում` Nike.com-ը և Nike բջջային հավելվածն այլևս հասանելի չեն լինի այս տարածաշրջանում: Nike-ի խանութները վերջերս ժամանակավորապես փակվել են և չեն վերաբացվի»,- հայտնել են ընկերությունից:

Մարտին Nike-ը դադարեցրել է ապրանքների առաքումը Ռուսաստան, սակայն օֆլայն խանութները փակելու որոշում չի կայացվել։
Ամերիկյան Nike Inc-ը սպորտային հագուստի, կոշիկի և աքսեսուարների արտադրության համաշխարհային շուկայի առաջատարներից մեկն է։ Հիմնադրվել է 1964 թվականին, կենտրոնակայանը գտնվում է Բիվերտոնում (Օրեգոն, ԱՄՆ)։