ՀՀ նախկին նախագահի որդին ցանկացել է գնել Ռուսաստանում McDonald's-ի ակտիվները. Forbes
Համաշխարհային Մամուլ
Forbes ամսագրի ռուսական տարբերակը հոդված է հրապարակել McDonald's սննդի ցանցի ռուսական ակտիվների վաճառքի գործընթացի մասին։
Պարբերականը պարզել է, որ գնման համար դիմողների թվում, բացի հաղթող ռուս գործարար Ալեքսանդր Գովորից, եղել է նաև հինգ այլ մարդ։
Մասնավորապես, հարցազրույցների մասնակիցներից մեկը ՀՀ չորրորդ նախագահ Արմեն Սարգսյանի որդին է եղել։
Արմեն Սարգսյանն ունի երկու որդի՝ Վարդանն ու Հայկը։ Սակայն չի նշվում, թե նրանցից ով է հավակնել դառնալ Ռուսաստանում McDonald's-ի ակտիվների նոր սեփականատերը։
Հաղորդվում է, որ մրցույթում փորձել են հաղթել նաև ռեստորատորներ Արկադի Նովիկովը և Անտոն Պինսկին, Ռուսաստանում McDonald's-ի ֆրանչայզի գործընկերներ Ռոստիսլավ Օրդովսկի-Տանաևսկի Բլանկոն և Կայրատ Բորանբաևը, Kismet Capital Group-ի ներդրող և հիմնադիր Իվան Տավրինը։
Մայիսի 19-ին հայտնի դարձավ, որ McDonald's-ն իր ռուսական բիզնեսը վաճառում է Ալեքսանդր Գովորին, որը ռեստորանները ղեկավարելու է նոր ապրանքանիշի ներքո։ Գովորը «ԳիԴ» ընկերության սեփականատերն է։ Նա McDonald's-ի 25 ռեստորանների կառավարիչն է Սիբիրում` Նովոսիբիրսկում, Բերդսկում, Տոմսկում, Կեմերովոյում, Նովոկուզնեցկում, Բառնաուլում և Կրասնոյարսկում։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
