Մոսկվան բարձր է գնահատում Բաքվի հավասարակշռված դիրքորոշումը Ուկրաինայի վերաբերյալ․ Լավրով

Ադրբեջանը հավասարակշռված դիրքորոշում է ցուցաբերում Ուկրաինայում հատուկ ռազմական գործողության հարցում, և Ռուսաստանը գնահատում է այդ վերաբերմունքը։ Այդ մասին ուրբաթ օրը Ադրբեջանի արտգործնախարար Ջեյհուն Բայրամովի հետ բանակցություններից հետո կայացած մամուլի ասուլիսում հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ֊ը։

 «Մենք բարձր ենք գնահատում Ադրբեջանի ղեկավարության հավասարակշռված և պատասխանատու վերաբերմունքը»,֊ասել է Լավրովը՝ հավելելով, որ «Մոսկվան և Բաքուն մշտական ​​երկխոսություն են պահպանում նաև տարածաշրջանային և միջազգային օրակարգի մի շարք այլ հարցերի շուրջ՝ ներառյալ ՄԱԿ-ում և ԵԱՀԿ-ում փոխգործակցությունը»։

«Մենք գոհ ենք, թե ինչպես է զարգանում մեր դիվանագիտական ​​երկխոսությունը, որն ակնհայտորեն օգնում է լրացնել երկկողմ տնտեսական, հումանիտար և այլ կապերը արտաքին քաղաքականության ոլորտում»,- ասել է Լավրովը։