G7-ի առաջնորդները որոշել են «Պուտինից ավելի ուժեղ երևալ»՝ մերկ լուսանկար հրապարակելով

«Մեծ յոթնյակի» առաջնորդները ընթրիքի ժամանակ քննարկել  են ՌԴ նախագահ Վլադիմիր Պուտինին և փորձել հասկանալ՝ «արդյո՞ք պետք է մերկանան»՝ ցույց տալու, որ իրենք ավելի «ուժեղ» են, քան Ռուսաստանի առաջնորդը, հայտնում է France-Presse-ը։

«Բաճկոնները թողնե՞նք, թե՞ հանենք»,֊ասել է Մեծ Բրիտանիայի վարչապետ Բորիս Ջոնսոնը՝ սեղանի նստելիս։ Կանադայի վարչապետ Ջասթին Թրյուդոն արձագանքել է՝ առաջարկելով մերկանալ և սպասել մինչև պաշտոնական լուսանկարն արվի։ Այնուհետ Ջոնսոնը կատակել է, որ առաջնորդները «պետք է ցույց տան, որ իրենք ավելի «ուժեղ են», քան Պուտինը»:
«Մենք պետք է ցուցադրենք մեր մերկ կուրծքը ձիավարության շոոի ժամանակ»,- պատասխանել է Թրյուդոն Մեծ Բրիտանիայի վարչապետին։
«Մենք պետք է նրանց ցույց տանք մեր կրծքավանդակի մկանները», - ավելացրել է Ջոնսոնը: