Ուկրաինան չի կարողանա վերադարձնել կորցրած տարածքները․ CNN

Սպիտակ տան պաշտոնյաներն օր օրի ավելի շատ են կասկածում, որ Ուկրաինան կկարողանա վերադարձնել ռուսական ռազմական գործողության մեկնարկից հետո կորցրած տարածքները, գրում է CNN-ը՝ վկայակոչելով ԱՄՆ պաշտոնյաներին։

«Այսպիսով, ԱՄՆ նախագահ Ջո Բայդենի խորհրդականները ներքին կարգով քննարկում են, թե արդյո՞ք Ուկրաինայի կողմից տարածքային զիջումները ճանաչելու անհրաժեշտություն կա՝ հակամարտությանը որքան հնարավոր է շուտ վերջ դնելու համար։ Սակայն, հեռուստաալիքի տվյալներով, Վաշինգտոնը չի նախատեսում այդ հարցում ճնշում գործադրել Կիևի վրա։
ԱՄՆ Կոնգրեսի պաշտոնյաներից մեկը կարծում է, որ Ուկրաինայի տարածքի կրճատումն անխուսափելի է, և որ կորցրած տարածքները վերադարձնելու կարողությունը «մեծ մասամբ, եթե ոչ ամբողջությամբ, կախված է նրանից, թե որքան օգնություն է տրամադրում Վաշինգտոնը Կիևին»,֊ավելացնում է հեռուստաալիքը:

Լիբերալ կուսակցությունից Կանադայի խորհրդարանի պատգամավոր Իվան Բեյքերը հունիսի 11-ին պնդել էր, որ Ուկրաինան արդեն «հոգնեցնում է» արևմտյան երկրներին, ինչն արտահայտվում է Կիևին տարածքների մի մասը զիջելու կոչերով։ Իր հերթին՝ Ուկրաինայի արտգործնախարար Դմիտրի Կուլեբան ասել է, որ Աֆրիկայի, Ասիայի և արաբական երկրների որոշ պաշտոնյաներ Կիևին առաջարկել են «դադարեցնել դիմադրություն ցույց տալը»։