Այսօր Բայդենն ու Էրդողանը կհանդիպեն

Մադրիդում մեկնարկած ՆԱՏՕ-ի գագաթնաժողովի շրջանակներում կկայանա Միացյալ Նահանգների և Թուրքիայի նախագահներ Ջո Բայդենի և Թայիփ Էրդողանի առանձին հանդիպումը՝ նվիրված դաշինքի պաշտպանությանը և երկկողմ օրակարգին, հայտնում է Սպիտակ տունը։

ԱՄՆ նախագահի մամուլի ծառայությունը հայտնել է, որ Բայդենը նախատեսում է հանդիպել Թուրքիայի նախագահի հետ՝ քննարկելու Հյուսիսատլանտյան դաշինքի հավաքական պաշտպանության և անվտանգության, ինչպես նաև երկկողմ հարաբերությունների մի շարք կարևոր հարցեր։

Առաջնորդների հանդիպումը նախատեսված է տեղական ժամանակով 17:45-ին (Երևանի ժամանակով՝ 19:45-ին):

Նախատեսվում է նաև, որ Ջոզեֆ Բայդենը հունիսի 29-ին կմասնակցի ՆԱՏՕ-ի անդամ երկրների ղեկավարների լիագումար հանդիպումներին, ինչպես նաև եռակողմ շփումներին Ճապոնիայի և Հարավային Կորեայի ղեկավարների հետ։

Ինչպես հայտնի է, Մադրիդում մեկնարկել է Հյուսիսատլանտյան դաշինքի երկրների գագաթնաժողովը, որը կտևի մինչև հունիսի 30-ը։

Ավելի վաղ ԱՄՆ նախագահը Հյուսիսատլանտյան դաշինքն իր համար սպառնալիք էր անվանել։