Մեծ Բրիտանիայի կառավարությունը դարձել է բացառիկ սեքս-երեկույթների ընկերության բաժնետեր. CNN

Մեծ Բրիտանիայի կառավարությունը դարձել է բացառիկ սեքս-երեկույթների ընկերության բաժնետեր, հայտնում է CNN-ը։

 2020 թվականին կառավարության  հիմնադրամը Killing Kittens-ին ֆինանսական օգնություն է տրամադրել:  Այդ ժամանակ ենթադրվում էր, որ 170,000 ֆունտ ստեռլինգ (մոտ 221,000 դոլար) վարկը այդ կազմակերպությանը պետք է աջակցեր համաճարակի ժամանակ:

 Նաև, բրիտանական իշխանությունները աջակցում են բազմաթիվ նմանատիպ ընկերությունների:  Արդյունքում պետական ​​հիմնադրամի միջոցով տրված մի շարք պետական ​​վարկեր վերածվել են բաժնետոմսերի, այդ թվում՝ 18+  երեկույթներ կազմակերպող ընկերության դեպքում։

 Հրատարակության համաձայն՝ այս կերպ Բրիտանիայի բնակիչներն ու երկրի իշխանությունները այժմ պաշտոնապես դարձել են այս ընկերության բաժնետոմսերի սեփականատերերը, որոնց կարգախոսներից մեկը, ըստ աղբյուրների,  «Մարտահրավեր` հաստատված գենդերային կարծրատիպերին»-ն է։

 Ընկերության հիմնադիրը կատակել է, որ ինքը «երբեք չի պատկերացրել Բորիսին որպես պասիվ գործընկեր»՝ նկատի ունենալով Մեծ Բրիտանիայի վարչապետ Բորիս Ջոնսոնին։