Սովի պատճառով՝ միգրացիոն ցունամի է սպասվում․ Զելենսկի

Միգրանտների հոսքը կարող է կրկին հեղեղել Եվրոպան՝ աշխարհի մի շարք երկրներում սննդի հետ կապված խնդիրների պատճառով, կարծում է Ուրաինայի նախագահ Վոլոդիմիր Զելենսկին, գրում է korrespondent.net-ը։

Եթե ​​Ուկրաինային չհաջողվի ապաշրջափակել նավահանգիստները հացահատիկի արտահանման համար, ապա Եվրոպան կարող է ծածկվել միգրացիոն ցունամիով։ Այս մասին Վիեննայում թվային տեխնոլոգիաների և մեդիա 4Gamechangers փառատոնում իր ելույթի ժամանակ ասել է Ուկրաինայի նախագահ Վոլոդիմիր Զելենսկին։

«Եթե սովի այս վտանգը չվերացվի, եթե Սև ծովն անմիջապես չապաարգելափակվի, ապա պարենային ճգնաժամի հետևանքը կլինի այնպիսի միգրացիոն ցունամին, որը կհասնի ձեզ, թեև Ավստրիան հեռու է ծովից», - ասել է նա։

Զելենսկին հայտարարել է, որ «Ուկրաինա ներխուժելով՝ Ռուսաստանը ստեղծեց լայնածավալ սովի վտանգ՝ արգելափակելով Սև ծովը, և այժմ նա միլիոնավոր մարդկանց պատանդ է վերցրել, այդ թվում՝ Աֆրիկայում, Ասիայում և Եվրոպայում»։

Նա նաև հիշեցրել է Եվրոպայի կախվածությունը ռուսական գազից։

«Միայն տեսեք վառելիքի, գազի և այլնի գները։ Ի՞նչ է կատարվում նրանց հետ, շուկաները չափազանց կախված են ռուսական ընկերություններից, «Գազպրոմից» և ռուսական նավթ մատակարարողներից, ինչը նշանակում է, որ եվրոպացիների դրամապանակները չափազանց կախված են նրանից»,- ասել է Զելենսկին։

Հիշեցնենք, որ անցյալ շաբաթ G7-ը Ռուսաստանին կոչ էր արել ապաարգելափակել դեպի ուկրաինական նավահանգիստներ մուտքը հացահատիկի արտահանման համար: