Կարճ ասած՝ Ուկրաինան ստում է․ Լավրով
Համաշխարհային Մամուլ
«Կիևի հայտարարությունները, թե իբր ռուսական բանակը հարվածներ է հասցնում սեփական քաղաքներին, սուտ են»։ Այս մասին չորեքշաբթի օրը՝ հուլիսի 6-ին, հայտարարել է ՌԴ ԱԳ նախարար Սերգեյ Լավրովը։
«Կարճ ասած՝ ստում են։ Եվ փաստերը քաջ հայտնի են։ Այդ փաստերը ներկայացնում է մեր պաշտպանության նախարարությունը ամեն օր»,- ՌԴ ԱԳ նախարարի խոսքերը մեջբերում է «Իզվեստիայի» թղթակիցը։
Նա նաև նշել է, որ արևմտյան երկրները պետք է գիտակցեն իրենց պատասխանատվությունը՝ անկախ նրանից, թե ինչ են ասում Ուկրաինայի նախագահ Վոլոդիմիր Զելենսկին և նրա թիմը։
«Արևմուտքը պետք է գիտակցի իր պատասխանատվությունը խաղաղ բնակիչների մահվան համար առաջին հերթին Դոնբասում, Ուկրաինայի այլ մասերում, որտեղ Կիևի ռեժիմը օգտագործում է այդ զենքերը խաղաղ բնակչության դեմ», - եզրափակել է Լավրովը:
Հուլիսի 3-ին ՌԴ ՊՆ-ն հայտնել է, որ ՌԴ ԶՈւ զինծառայողները կանխել են Ուկրաինայի հարվածը Բելգորոդի և Կուրսկի բնակելի թաղամասերին։
Ամենադիտված 
Մնաս բարյավ. Րաֆֆի Հովհաննիսյան
