Պատժամիջոցների պատճառով՝ Ռուսաստանը չի կարող «Իսկանդեր» արտադրել. Բորել

Եվրոպական պատժամիջոցներն ազդել են ռազմական արդյունաբերության վրա: Նրանք սահմանափակել են «Իսկանդեր» և «X-101» հրթիռներ արտադրելու Ռուսաստանի հնարավորությունները, Yomiuri թերթին տված հարցազրույցում ասել է ԵՄ արտաքին գործերի և անվտանգության քաղաքականության գերագույն ներկայացուցիչ Խոսեպ Բորելը, փոխանցում է ՏԱՍՍ-ը։

Բորելը Ռուսաստանի դեմ պատժամիջոցները հիմնավորել է «Իսկանդերների» արտադրությանը միջամտությամբ:
«Պատժամիջոցների պատճառով Ռուսաստանի կարողությունը սահմանափակ է «Իսկանդերի» և «X-101»-ի նման ճշգրիտ կառավարվող հրթիռներ արտադրելու», - ասել է նա:

Պատժամիջոցներն ազդել են նաև նավթի արդյունահանման վրա՝ հորիզոնական հորատման տեխնոլոգիայի, ավիացիայի և ավտոմոբիլային արդյունաբերության կիրառման առումով: Խոսեպ Բորելի խոսքով՝ բարձր տեխնոլոգիական ապրանքների գնման հարցում Ռուսաստանը 45%-ով կախված է Եվրոպայից, 21%-ով՝ ԱՄՆ-ից, 11%-ով՝ Չինաստանից։

Միևնույն ժամանակ, փորձագետները հաշվարկել են, որ Ռուսաստանի օդանավերի սարքավորումների պաշարները կբավականացնեն 3-4 տարի։