Կատաղի ռուսաֆոբիա է․ Լավրով

Արևմտյան երկրների հետ երկխոսությունը իմաստ չունի, եթե նրանք ցանկանում են «Ուկրաինայի հաղթանակը Ռուսաստանի նկատմամբ մարտի դաշտում», հայտարարել է ՌԴ ԱԳ նախարար Սերգեյ Լավրովը։ Նա հավելել է, որ չի ափսոսում Մեծ Բրիտանիայի վարչապետ Բորիս Ջոնսոնի հրաժարականի համար, և որ արևմտյան երկրները չեն հասկանում քաղաքավարության և էթիկետի կանոնները, գրում է «Կոմերսանտը»։

«Եթե Արևմուտքը ցանկանում է ոչ թե բանակցություններ, այլ Ուկրաինայի հաղթանակը Ռուսաստանի նկատմամբ մարտի դաշտում, ապա, հավանաբար, Արևմուտքի հետ պարզապես խոսելու բան չկա, քանի որ այս մոտեցումներով, ըստ էության, դա թույլ չի տալիս Ուկրաինային անցնել խաղաղության գործընթացին», - ասել է Լավրովը:  Նա պարզաբանել է, որ հանդիպման ժամանակ G20-ի արևմտյան երկրները ներկայացնող դիվանագետներին տրվել են «անաչառ հարցեր», որոնց պատասխանները նրանք չունեն, այլ միայն «կատաղի ռուսաֆոբիա» է տիրում։