Պեսկովը մեկնաբանել է Պուտինի՝ «Ուկրաինայում մենք դեռ լուրջ ոչինչ չենք սկսել» խոսքերը

ՌԴ նախագահ Վլադիմիր Պուտինը Պետդումայի խմբակցությունների ղեկավարների հետ հանդիպման ժամանակ իր ելույթում հիշեցրել է, որ ներուժն անհամեմատելի է, Ռուսաստանն այս առումով այնքան մեծ ներուժ ունի, որ այժմ Ուկրաինայում նրա միայն մի փոքր մասն է ներգրավված հատուկ գործողության մեջ, ասել է ՌԴ նախագահի մամուլի քարտուղար Դմիտրի Պեսկովը, գրում է Ռիա Նովոստին։

Ավելի վաղ ՌԴ նախագահ Վլադիմիր Պուտինը Պետդումայի խմբակցությունների ղեկավարների հետ հանդիպման ժամանակ հայտարարել էր, որ Ռուսաստանը դեռ լուրջ ոչինչ չի սկսել Ուկրաինայում։
«Ոչ, ես ձեզ այս անգամ չեմ ուղարկի պաշտպանության նախարարություն, սրանք իսկապես պետության ղեկավարի խոսքերն են, բայց պետության ղեկավարը պարզապես հերքել է այն հայտարարությունները, որոնք հնչում են արևմտյան երկրներից։ Պուտինն ուղղակի հիշեցրել է, որ պոտենցիալները միանգամայն անհամեմատելի են, և Ռուսաստանի ներուժն այնքան մեծ է այս առումով, որ նրա միայն մի փոքր մասն է այժմ ներգրավված հատուկ ռազմական գործողության մեջ։ Եվ հետևաբար, Արևմուտքի այս հայտարարությունները բառացիորեն անհեթեթ են, դրանք աբսուրդ են և ուղղակի ուկրաինացի ժողովրդի վիշտն են ավելացնում, ինչը երեկ ասաց նաև նախագահ Պուտինը»,- լրագրողներին ասել է Պեսկովը։