Անակոնդան դուրս է թռել ջրից և կծել ձկնորսին (տեսանյութ)

Բրազիլիայի Գոյաս նահանգում անակոնդան թաքնվել է ջրի տակ, դուրս ցատկել ու կծել ձկնորսին զբոսանավի ուղեւորների աչքի առաջ։ Միջադեպը ֆիքսվել է տեսանյութով, որը գրավել է NDTV հրատարակության ուշադրությունը։

38-ամյա ձկնորսական էքսկուրսավար Ժոաո Սեվերինոն մի խումբ զբոսաշրջիկների է առաջնորդելիս եղել Արագուայա գետի վրա գտնվող զբոսանավով ձկնորսության ժամանակ: Տղամարդը նկատել է անակոնդա, որը թաքնվել էր ջրի տակ։ Նա որոշել է նկարահանել սողունին՝ զբոսանավի ուղեւորներին ցույց տալու համար։

20 վայրկյան տևողությամբ տեսանյութում երևում է երկու գերանների միջև ոլորված անակոնդա: Երբ Սեվերինոն տեսախցիկը կենտրոնացնում է սողունի վրա, նա հանկարծակի ցատկ է կատարում և դուրս թռչում ջրից, ինչը վախեցնում է զբոսանավում գտնվողներին։ Օձը կծում է տղամարդուն, բայց ատամները չեն հասնում նրա մաշկին։ Էկրանից դուրս լսվում է, թե ինչպես է Սեվերինոն նյարդային ծիծաղում։

Հարձակումից հետո սողունն արագ լողալով հեռացել է՝ շոկի մեջ թողնելով զբոսանավի անձնակազմին։ Սեվերինոյի կողմից արված ձայնագրությունը տարածվել է սոցիալական ցանցերում։

Անակոնդաների երկարությունը հասնում է ինը մետրի, իսկ քաշը հասնում է 249 կիլոգրամի: Բոաների ընտանիքի սողունը համարվում է աշխարհի ամենամեծ օձը։ Այս օձերի էգերը շատ ավելի մեծ են, քան արուները։

Որպես կանոն, անակոնդաներն ապրում են Ամազոնի ավազանի արևադարձային ջունգլիներում գտնվող ճահիճներում և դանդաղ հոսող գետերում։ Նրանք բավականին դանդաղ են, երբ գտնվում են ցամաքում, բայց կարողանում են արագ շարժվել ջրի մեջ։ Անակոնդաները որսում են վայրի խոզեր, եղնիկներ, թռչուններ, կրիաներ և նույնիսկ յագուարներ: