Ճապոնիան խոստովանում է, որ Աբեի անվտանգության հետ կապված «խնդիրներ» են եղել

Ճապոնիայի կառավարության գլխավոր քարտուղար Հիրոկաձու Մացունոն Տոկիոյում կայացած մամուլի ասուլիսում խոստովանել է, որ նախկին վարչապետ Սինձո Աբեի անվտանգության հետ կապված «խնդիրներ» կային։
«Այդպիսի լուրջ միջադեպի պարագայում մենք ընդունում ենք, որ ոչ միայն տեղում ոստիկանական գործողություններում, այլև Ճապոնիայի ոստիկանական վարչության մակարդակով անվտանգության և անվտանգության խնդիրներ են եղել»,- ասել է Մացունոն։

Նախկին վարչապետ Սինձո Աբեն մահացու վիրավորում  էր ստացել Նարա պրեֆեկտուրայում՝ քարոզարշավի ժամանակ ելույթ ունենալիս։ Նրան սպանողին՝ Տեցույա Յամագամին, բռնել են տեղում և ներկայումս ձերբակալված է։ Նա ինքնաշեն զենքով թիկունքից կրակել է Աբեի վրա։

 Քաղաքական գործիչը վիրավորվել է պարանոցի և կրծքավանդակի շրջանում։ Ինչպես բժիշկներն են ասել, կրծքավանդակի վերքը այնքան խորն է եղել, որ հասել է սրտին։ Սինզոն մահացել է ուրբաթ օրը։ Մահափորձի մասին հաղորդագրություններից անմիջապես հետո նրա կինը՝ Ակի Աբեն, շտապ ժամանել է Նարա։ Մարդասպանն ասել է, որ ինքը «դժգոհ էր Աբեի վարած քաղաքականությունից և ցանկանում էր սպանել նրան», այնուհետև ասել է, որ իր թիրախն ի սկզբանե մեկ այլ քաղաքական գործիչ է եղել։