Շրի Լանկայի նախագահը փախել է Մալդիվներ

Ինքնաբուխ հեղաշրջումից հետո Շրի Լանկայի նախագահ Գոտաբայա Ռաջապակսան չորեքշաբթի գիշերը ռազմական ինքնաթիռով փախել է Մալդիվների մայրաքաղաք Մալե։

Ինքնաթիռին թույլ չեն տվել թռիչք կատարել մոտ մեկ ժամ, և այն սպասել է թռիչքուղու վրա։ Նախագահի մերձավորները, ովքեր ներկա են եղել, ասում են, որ «նա նյարդային էր, բայց ստացվեց»։ Նախագահին ծովով տեղափոխելու գաղափարներ են եղել, սակայն դրանք մերժվել են։

Հանգստյան օրերին Ռաջապակսան խոստացել է չորեքշաբթի օրը հեռանալ պաշտոնից՝ «իշխանության խաղաղ անցումն ապահովելու համար»: Նա լքել է իր պալատը, որը գրավել էին ապստամբները։ Մարդիկ եկել էին պալատ՝ լուսանկարվելու, լողավազանում լողալու և նույնիսկ այնտեղ թղթախաղ խաղալու։

Շրի Լանկայում բողոքի ցույցեր սկսվեցին երեք ամիս առաջ՝ տնտեսական ծանր իրավիճակի պատճառով։ Սնունդ ու դեղորայք չկա, ծայրամասում հոսանքազրկումներ են։ Ժողովուրդը ճգնաժամի մեջ մեղադրում է նախագահին ու նրա մերձավորներին, ովքեր բարձր պաշտոններ են զբաղեցրել երկրում։ Եկամտի հիմնական աղբյուրը զբոսաշրջությունն է, որը դադարեցվել է համաճարակի պատճառով։

Մալդիվներ ժամանելուն պես նախագահը, նրա կինը և թիկնապահը տեղափոխվել են գաղտնի վայր՝ թաքստոց։ Ռաջապակսայի եղբայրը ԱՄՆ քաղաքացի է և մեկնել է այնտեղ։