Աջակցեք ում կուզեք, միայն ոչ Սունակիին․ Բորիս Ջոնսոնը՝ վարչապետի նոր թեկնածուի մասին

Բորիս Ջոնսոնը պահպանողականների առաջնորդի պարտված թեկնածուներին կոչ է արել աջակցել «ում ասես, միայն թե ոչ Ռիշի Սունակին», գրել է The Times-ը։ Ջոնսոնը մինչ այդ հայտարարել էր, որ չի աջակցելու որևէ թեկնածուի կամ հրապարակայնորեն չի միջամտելու մրցակցությանը։ Բայց հայտնի է, որ նա զրույցներ է ունեցել տանուլ տված հավակնորդների հետ, որոնց ժամանակ հստակ հայտնել է իր կարծիքը, որ Սունակը չպետք է դառնա վարչապետ։ 

Աղբյուրը նշել է, որ Ջոնսոնն, ըստ երևույթին, ամենից շատ հետաքրքրված է, որ արտաքին գործերի նախարար Լիզ Թրասը հաղթի, որին աջակցել են կառավարությունում նրա ամենամոլի դաշնակիցները՝ Ջեյքոբ Ռիս-Մոգը և Նադին Դորիսը։ Ջոնսոնը նաև հասկացրել է, որ կաջակցի առևտրի կրտսեր նախարար Փեննի Մորդաունթին, որը կդառնա նրա հաջորդը, եթե ֆինանսների նախկին նախարար Սունակը պարտվի։