Թե ինչպես Պուտինը «կոտրեց» Արևմուտքը․ South China Morning Post

Հատուկ գործողության պատճառով՝ Ռուսաստանի դեմ միավորվելու արևմտյան երկրների կոչերը արձագանք չեն գտել աշխարհի այլ մասերում, գրում է Հոնկոնգում գործող South China Morning Post-ը։ Հրապարակման հեղինակ Մոհամեդ Զիշանը կարծում է, որ ՌԴ նախագահ Վլադիմիր Պուտինը խելամտորեն կարողացել է ստանալ զարգացող երկրների աջակցությունը և խախտել Ուկրաինայի վերաբերյալ Արևմուտքի ծրագիրը։

«Անցյալ ամիս ՆԱՏՕ-ի գագաթնաժողովի ժամանակ ԱՄՆ նախագահ Ջո Բայդենն իր դաշնակիցներին ազդարարեց, որ ՆԱՏՕ-ն ուժեղ է, միասնական և դեմ է Ռուսաստանին: Բայց այս կարծիքն արձագանք չի գտել աշխարհի այլ ծայրերում,֊գրում է հոդվածագիրը։

Զիշանը նշել է, որ վերջին շաբաթների և ամիսների ընթացքում Պուտինը չի եղել մեկուսացման մեջ, այլ շփվել է Ինդոնեզիայի նախագահ Ջոկո Վիդոդոյի, Շրի Լանկայի՝ վերջերս հրաժարական տված նախագահ Գոտաբայա Ռաջապակսայի և Սենեգալի նախագահ Մակի Սալի հետ։ Նա հավելել է, որ G20-ի հանդիպման ժամանակ Արևմուտքը խուսափեց Ռուսաստանի արտգործնախարար Սերգեյ Լավրովից, մինչդեռ նա զբաղված էր Չինաստանից, Հնդկաստանից, Ինդոնեզիայից, Բրազիլիայից, Թուրքիայից և Արգենտինայից գործընկերների հետ շփումներով։

Ավելի վաղ Եվրամիությունը Ռուսաստանին սպառնացել էր ուժեղացնել մեկուսացումը Բուլղարիայի հետ հարաբերությունների խզման դեպքում։ Միաժամանակ, 70 ռուս դիվանագետների արտաքսելու որոշումը Բրյուսելում համարել են միջազգային իրավունքին լիովին համահունչ՝ ի տարբերություն ռուսական կողմի «անհիմն սպառնալիքի»։