Բայդենը ԱՄԷ նախագահին հրավիրել է ԱՄՆ
Համաշխարհային Մամուլ
ԱՄՆ նախագահ Ջո Բայդենը Արաբական Միացյալ Էմիրությունների նախագահ Շեյխ Մուհամեդ բեն Զայեդ Ալ Նահյանին առաջարկել է այս տարի այցելել Վաշինգտոն և տեսնել Սպիտակ տունը։ Այս մասին հայտնում է The National Emirates թերթը։
Նշվում է, որ Միացյալ Նահանգների ղեկավարը համապատասխան հրավեր է արել Սաուդյան Արաբիայի Ջիդդա քաղաքում արաբա-ամերիկյան գագաթնաժողովի շրջանակներում Ալ Նահյանի և ԱՄԷ այլ պաշտոնյաների հետ հանդիպմանը։
«Մենք երկուսս էլ հասկանում ենք, որ այսօր մեր առջև ծառացած մարտահրավերները վկայում են այն մասին, որ միասին ավելի շատ ժամանակ անցկացնելը կարևոր է: Ես ուզում եմ ձեզ պաշտոնապես հրավիրել ԱՄՆ մինչև այս տարվա վերջ»,- հայտարարել է Բայդենը։
Հուլիսի 16-ին Սաուդյան Ջիդայում ընթանում է Պարսից ծոցի արաբական երկրների համագործակցության խորհրդի գագաթնաժողովը, որին մասնակցում են ԱՄՆ նախագահը, Եգիպտոսի և Հորդանանի ղեկավարները, ինչպես նաև Իրաքի վարչապետը։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
