Ֆրանսիայի նախարար Քայեից պահանջել են աշխատանքից ազատվել ԼԳԲՏ անձանց մասին իր խոսքերից հետո

Ֆրանսիայի տեղական ինքնակառավարման հարցերով նախարարի պատվիրակ Կարոլին Քայեն խիստ քննադատության է ենթարկվել հասարակության կողմից՝ ԼԳԲՏ համայնքի անդամներին «այդ մարդիկ» անվանելու համար, մասին գրում է Bloomberg-ը։

Այս շաբաթվա սկզբին Քայեին հարցրել են, թե ինչու է նա դեմ միասեռ ամուսնությունների օրենքին, որն ընդունվել է Ֆրանսիայում դեռևս 2013 թվականին։ Քաղաքական գործիչը «անբնական» է անվանել օրենսդրության փոփոխությունները։

«Ես միշտ ասել եմ, որ եթե օրենքը կողմ քվեարկվեր, ես էլ կկիրառեի։ Այդ բոլոր մարդկանց մեջ ես շատ ընկերներ ունեմ ,և ինձ անարդարացիորեն հալածում են։ Դա ինձ վրդովեցնում է»,- ասել է Քայեն։

Հարցազրույցի հրապարակումից կարճ ժամանակ անց Ֆրանսիայի ավելի քան 100 հայտնի քաղաքական և հասարակական գործիչներ «Journal du dimanche» թերթում հրապարակել են կոլեկտիվ կոչ՝ կասկածի տակ դնելով Քայեի ունակությունը՝ շարունակելու կատարել իր պարտականությունները՝ որպես նախարարի պատվիրակ: Բացի այդ, որոշ ԼԳԲՏ անձինք դատական ​​հայց են ներկայացրել Քայեի դեմ հրապարակային վիրավորանքների համար։

Այնուհետև Քայեն ներողություն է խնդրել Twitter-ի իր էջում, սակայն շատերը չեն հավատացել նրա խոսքերի անկեղծությանը, գրում է Bloomberg-ը։

Առողջապահության համաշխարհային կազմակերպության խորհրդական Էնդի Սիլն ավելի վաղ ասել էր, որ նրանք, ովքեր ցանկանում են մասնակցել հունիսյան գեյ-շքերթներին, չպետք է հրաժարվեն այս ծրագրերից՝ կապված «Կապիկի ծաղիկի» տարածման հետ, որը հիմնականում պայմանավորում են միասեռական շփումներով։