Նրան հարցրեք․ Պեսկովը հրաժարվել է պատասխանել՝ Պուտինը կմասնակցի՞ արդյոք 2024 թվականի ընտրություններին

Վլադիմիր Պուտինի մամուլի խոսնակ Դմիտրի Պեսկովը չի պատասխանել 2024 թվականի նախագահական ընտրություններին պետության ղեկավարի մասնակցության մասին հարցին։ Կրեմլի ներկայացուցչի խոսքերը մեջբերում է ՏԱՍՍ-ը։

«Ինքներդ հարցրեք նրան (Պուտինին) այդ մասին»,- ասել է Պեսկովը։

2024 թվականի համառուսաստանյան քվեարկության նախապատրաստական ​​աշխատանքները սկսվել են 2021 թվականի դեկտեմբերին, իսկ դրա կազմակերպման նախնական քննարկումները տեղի են ունեցել անցած ամառ։ RBC-ի աղբյուրների փոխանցմամբ՝ բարձրացվել է նաև գործող նախագահ Վլադիմիր Պուտինի հնարավոր քարոզարշավի մասին հարցը։

Իր հերթին Պեսկովն ընդգծել է, որ նախագահական ընտրությունների նախապատրաստումը պետության ղեկավարի վարչակազմի ամենօրյա աշխատանքի էությունն է։ Նրա խոսքով՝ պետության ղեկավարի պաշտոնում Պուտինի թեկնածության հնարավոր առաջադրումը «թեստ» կլինի ռուսների վստահության համար։

Ավելի վաղ ՌԴ նախագահը հայտարարել էր, որ հենց այն փաստը, որ ինքը նոր ժամկետով ընտրվելու իրավունք ունի, կկայունացնի իրավիճակը Ռուսաստանում։ Նա, սակայն, նշել է, որ դեռ չի կողմնորոշվել՝ 2024 թվականի ընտրություններում առաջադրվելո՞ւ է արդյոք՝ որպես թեկնածու։