Շահարկումները, թե Ռուսաստանը «սով է արտահանում», բացարձակապես անհիմն են․ Լավրով
Համաշխարհային Մամուլ
Ռուսաստանի Դաշնությունը կշարունակի Աֆրիկայի գործընկերներին մատակարարել սննդամթերք, պարարտանյութ, նավթ և գազ և կենսական նշանակություն ունեցող այլ ապրանքներ՝ չնայած երկրի դեմ սահմանված պատժամիջոցներին։ Այս մասին գրել է ՌԴ ԱԳ նախարար Սերգեյ Լավրովը եգիպտական Al-Ahram թերթի, կոնգոյի Depeche de Brazzaville-ի, Ugandan New Vision-ի և Ethiopian Ethiopia Harold-ի համար հոդվածում, որը հրապարակվել է ՌԴ ԱԳՆ կայքում։
ՌԴ ԱԳ նախարարի խոսքով՝ Ռուսաստանը քաջ գիտակցում է աշխարհի շատ երկրների համար սոցիալապես նշանակալի ապրանքների իր մատակարարումների կարևորությունը։
«Արևմտյան և ուկրաինական քարոզչության շահարկումները, թե իբր Ռուսաստանը «սով է արտահանում», բացարձակապես անհիմն են։ Իրականում դրանք «հիվանդ գլխից առողջ գլխին» պատասխանատվությունը տեղափոխելու ևս մեկ փորձ են»,- ընդգծել է Լավրովը։
Նա հավելել է, որ նույնիսկ կորոնավիրուսի համաճարակի սկզբում արևմտյան երկրները, դիմելով արժույթի թողարկման մեխանիզմին, փորձեցին վերահսկողություն սահմանել ապրանքների և պարենային հոսքերի վրա։ ՌԴ ԱԳՆ ղեկավարը նշել է, որ հենց այդ ժամանակ է սկսել բարդ իրավիճակ ստեղծվել սննդամթերքի շուկայում։
«Իրավիճակը սրվել է վերջին ամիսներին Ռուսաստանի Դաշնության դեմ կիրառված Արևմուտքի պատժամիջոցներով»,֊ամփոփել է Լավրովը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
