Ձմեռը որոշիչ կլինի եվրոպական երկրների համար․ Yahoo News Japan

Ձմեռը վճռորոշ ժամանակաշրջան կլինի Եվրոպայի տնտեսության և նրա միասնության համար։ Այս մասին գրում է Yahoo News Japan-ը։

Հոդվածում նշվում է, որ էլեկտրաէներգիայի բացակայության պատճառով՝ եվրոպացիների կյանքի որակի վատթարացումը կարող է հանգեցնել եվրոպական պետությունների փոխհամաձայնության խախտման։

«Եթե ապագայում եվրոպացիների կյանքը վատթարանա պարբերական անջատումների և էլեկտրաէներգիայի մատակարարման սահմանափակումների պատճառով, դա կարող է հանգեցնել Ուկրաինային աջակցության և Ռուսաստանի դեմ պատժամիջոցների վերաբերյալ երկրների միջև փոխհամաձայնության խզման, ինչը կարող է թուլացնել միասնությունը», - ասվում է հոդվածում։

Ավելի վաղ ԵՄ երկրների ներկայացուցիչները համաձայնության են եկել գազի սպառումը 15%-ով նվազեցնելու արտակարգ ծրագրի շուրջ։ Ըստ այդմ՝ պետությունները 2022 թվականի օգոստոսի 1-ից մինչև 2023 թվականի մարտի 31-ը կամովին պետք է 15%-ով կրճատեն գազի սպառումը։

Հունգարիայի արտաքին գործերի նախարար Պետեր Սիյարտոն հայտարարել է, որ գազի սպառումը 15%-ով կրճատելու Եվրահանձնաժողովի առաջարկը «գործնականում անիրագործելի է»: