Ճապոնիան Ռուսաստանից պահանջել է Կուրիլյան կղզիներում զորավարժություններ չանցկացնել

Ճապոնիայի նախարարների կաբինետի գլխավոր քարտուղարի տեղակալ Յոսիհիկո Իսոզակին հայտնել է, որ Տոկիոն դիմում է ուղարկել Ռուսաստան՝ կոչ անելով Կուրիլները բացառել ՌԴ ԶՈւ զորավարժությունների գոտուց, փոխանցում է РИА Новости-ն։

«Հուլիսի 27-ին դիվանագիտական ​​ուղիներով մենք ՌԴ-ին հայտնել ենք այն մասին, որ զորավարժությունների անցկացումը շրջաններում, այդ թվում՝ հյուսիսային տարածքներում, հակասում է տարածքային հարցում մեր երկրի դիրքորոշմանը»,- ասել է քաղաքական գործիչը։

Նա նաև մտահոգություն է հայտնել Ուկրաինայում շարունակվող ռազմական գործողությունների ֆոնին Ճապոնիայից Ռուսաստանի զինված ուժերի ակտիվացման կապակցությամբ։

Օրեր առաջ ՌԴ պաշտպանության նախարարությունը հայտարարել էր, որ օգոստոսի 30-ից սեպտեմբերի 5-ը Արևելյան ռազմական օկրուգի զորքերը կանցկացնեն «Վոստոկ-2022» ռազմավարական հրամանատարաշտաբային զորավարժությունները։ Դրանք ընդգրկելու են Արևելյան ռազմական օկրուգի 13 պոլիգոն, դրանց կմասնակցեն նաև օդադեսանտային ուժերի, հեռահար և ռազմական տրանսպորտային ավիացիայի զորքերը, ինչպես նաև օտարերկրյա զինվորականներ։

Զորավարժությունների ընթացքում կմշակվեն Արևելյան շրջանի անվտանգության ապահովման համար զորքերի կիրառման հարցեր։