Սաուդյան Արաբիայի թագաժառանգը Ֆրանսիա կատարած այցի շրջանակներում կբնակվի «աշխարհի ամենաթանկարժեք տանը»․ ԶԼՄ

Սաուդյան Արաբիայի թագաժառանգ արքայազն Մուհամմեդ բեն Սալմանը Ֆրանսիա կատարած այցի շրջանակներում կբնակվի շքեղ դղյակում, որն անվանել են «աշխարհի ամենաթանկարժեք տուն», երբ 2015 թվականին արքայազնը գնել է այն, հաղորդում է AFP-ն:

Փարիզի մոտ գտնվող Լուվեսեննեում Լյուդովիկոս XIV-ի դղյակը ժամանակակից առանձնատուն է, որը կոչված է ընդգծելու Վերսալյան պալատի արտառոց շքեղությունը:

7000 քառակուսի մետր մակերեսով անշարժ գույքը 2015 թվականին անհայտ անձը գնել է 275 միլիոն եվրոյով, ինչից հետո Fortune ամսագիրն այն անվանել է «աշխարհի ամենաթանկարժեք տուն»։

Երկու տարի անց The New York Times-ը հայտնել է, որ 36-ամյա Բեն Սալմանը դղյակի վերջնական սեփականատեր է դարձել՝ մի շարք կեղծ ընկերությունների միջոցով:

Տեղական մարմինների պաշտոնյաները հաստատել են AFP-ին, որ սաուդցի գահաժառանգը հյուրանոցում է մնացել՝ հինգշաբթի օրն ավելի ուշ Մակրոնի հետ ընթրելուց առաջ:

Մակրոնը եւ բեն Սալմանը հինգշաբթի օրը կհանդիպեն ավելի համեստ Ելիսեյան նախագահական պալատում՝ բանակցությունների համար, որոնք որոշ ֆրանսիացի քննադատների կարծիքով անտեղի են:

Բեն Սալմանը թույլատրել է լրագրող Ջամալ Խաշոգջիի սարսափելի սպանությունը եւ անդամահատումը Ստամբուլում Սաուդյան Արաբիայի հյուպատոսարանում 2018 թվականին, ըստ ԱՄՆ հետախուզության տվյալների։

Այժմ, սակայն, արեւմտյան առաջնորդները եւս մեկ անգամ ակտիվորեն սիրաշահում են արքայազնին` ռուսական էներգետիկ ռեսուրսներին փոխարինող էներգիայի նոր աղբյուրներ ձեռք բերելու հույսով: