Ադրբեջանում Սաֆարով եղբայրները կացնահարելով սպանել են իրենց հորեղբորը

Ադրբեջանի Մասալլիի շրջանում եղբայրները սպանել են իրենց հորեղբորը։ Շրջանային դատախազությունը հայտնել է, որ հուլիսի 31-ին իրավապահ մարմինները տեղեկություն են ստացել Մասալիի շրջանի 62-ամյա բնակիչ Իբադուլլա Սաֆարովի սպանության մասին, գրում է haqqin-ը։

Նախաքննության ընթացքում կասկածներ ե եղել, որ 1999 թվականին ծնված Արիզ Սաֆարովը և 2004 թվականին ծնված եղբայրը՝ Ֆագան Սաֆարովը, անձնական հարաբերությունների շուրջ ծագած վիճաբանության ժամանակ դիտավորությամբ սպանել են իրենց հորեղբորը՝ Իբադուլլա Սաֆարովին՝ կացնով հարվածելով։ Մասալլիի շրջանի դատախազությունը քրեական գործ է հարուցել Ադրբեջանի Քրեական օրենսգրքի 120.1 հոդվածի (դիտավորյալ սպանություն) հատկանիշներով։

Սաֆարով եղբայրները, որպես կասկածյալներ, բերման են ենթարկվել։