Heineken-ը վաճառում է իր բիզնեսը Ռուսաստանում

Հոլանդական գարեջրի արտադրող Heineken-ը պլանավորում է համաձայնության գալ  2022 թվականին Ռուսաստանում իր բիզնեսը վաճառելու մասին։ Այս մասին հաղորդագրություն է հրապարակել ընկերության մամուլի ծառայությունը իր կայքում։ Heineken-ը Ռուսաստանում իր ակտիվները գնահատել է 475 միլիոն եվրո:

Հաշվետվության համաձայն՝ 2022 թվականի ապրիլից հունիս խմբի բացարձակ շահույթը կազմել է 1,27 միլիարդ եվրո՝ 2021 թվականի նույն ժամանակահատվածի 1,03 միլիարդ եվրոյի համեմատ: Ճշգրտված շահույթն աճել է 40%-ով՝ հասնելով 1,33 միլիարդ եվրոյի, իսկ հասույթը 2021 թվականի երկրորդ եռամսյակի 10,01 միլիարդ եվրոյից աճել է մինչև 13,49 միլիարդ եվրո:

Մարտի սկզբին Heineken-ը հայտարարեց, որ դադարեցնում է Ռուսաստանի Դաշնությունում Heineken ապրանքանիշով գարեջրի արտադրությունն ու վաճառքը։

Ընկերությունը ռուսական շուկայում գործում է 2002 թվականի փետրվարից։ Ավելի ուշ Heineken-ը գնել է Սանկտ Պետերբուրգի առաջին գործարանը։