Ռուսաստանը պատրաստ է ուկրաինական խնդիրը լուծել դիվանագիտական ճանապարհով. Պեսկով

ՌԴ-ն առաջվա պես հակված է Ուկրաինայում համակարտությունը կարգավորել դիվանագիտական ճանապարհով, սակայն իր իսկ պայմանների հիման վրա:

Այդ մասին հայտարարել է Կրեմլի պաշտոնական ներկայացուցիչ Դմիտրի Պեսկովը, հայտնում է ՏԱՍՍ-ը:

«Իսկապես, Ռուսաստանը ինչպես ի սկզբանե, այնպես էլ հիմա պատրաստ է ուկրաինական հիմնախնդիրը կարգավորել դիվանագիտական ճանապարհով՝ սեփական պայմանների առաջադրմամբ», - նշել է նա:

Պեսկովը հստակեցրել է, որ այդ պայմանները վաղուց հայտնի են. դրանք ներկայացվել են ՌԴ-ի և Ուկրաինայի պատվիրակությունների ստամբուլյան բանակցությունների ժամանակ: Նա կրկին հիշեցրել է, որ հենց ուկրաինական կողմն է դադարեցրել բանակցային գործընթացը: