Երիտասարդ տարիներին ատել եմ ՆԱՏՕ֊ն․ Ստոլտենբերգ
Համաշխարհային Մամուլ
ՆԱՏՕ-ի գլխավոր քարտուղար Յենս Ստոլտենբերգը Նորվեգիայի Ուտեյա կղզում Նորվեգիայի Աշխատավորական կուսակցության երիտասարդական թևի ամառային ճամբարի մասնակիցներին ասել է, որ երիտասարդ տարիներին դեմ է եղել Նորվեգիայի՝ իր երկրի անդամակցությանը ՆԱՏՕ-ին։ Այս մասին հայտնում է ՏԱՍՍ-ը։
«1970-ականներին ես կարծում էի, որ Նորվեգիան պետք է հնարավորինս շուտ դուրս գա ՆԱՏՕ-ից»,֊նրա խոսքը մեջբերում է գործակալությունը։
Ստոլտենբերգը հավելել է, որ ինքը փոխել է իր դիրքորոշումը 1980-ականներին, սակայն «երբեք մտադրություն չի ունեցել» դառնալու Հյուսիսատլանտյան դաշինքի ղեկավար։
Դիվանագետի խոսքով՝ ինքը ցանկացել է աշխատել սոցիալապես նշանակալի խնդիրների ու վիճակագրության հետ, իսկ հետո՝ «մի գեղեցիկ օր», գլխավորել երկրի Կենտրոնական բանկը։
Հատկանշական է, որ ՆԱՏՕ-ի գլխավոր քարտուղարի նրա լիազորությունները պետք է ավարտվեին հոկտեմբերի 1-ին, սակայն մարտին դրանք երկարաձգվեցին մեկ տարով՝ Ուկրաինայի շուրջ ստեղծված իրավիճակի պատճառով։ Հակառակ դեպքում նա կնշանակվեր Նորվեգիայի կենտրոնական բանկի ղեկավար, քանի որ տեղի խորհրդարանն արդեն հաստատել է նրա նշանակումն այդ պաշտոնում։
Ամենադիտված 
Մնաս բարյավ. Րաֆֆի Հովհաննիսյան
