ԵՄ առաջնորդները ջախջախված են Պուտինի «տրոյական ձիով». FP

Հունգարիայի վարչապետ Վիկտոր Օրբանը շփոթության մեջ է գցել ԵՄ առաջնորդներին Ռուսաստանի նկատմամբ իր վերաբերմունքով։ Այս մասին Foreign Policy-ի հոդվածում գրում է Ամանդա Քոքլին։

«Ռուսաստանի նախագահ Վլադիմիր Պուտինի «տրոյական ձին»՝ Եվրամիությունում։ Եվս մեկ անգամ ԵՄ առաջնորդներին հետաքրքրում է, թե ի՞նչ է թաքնված Կրեմլի նկատմամբ Բուդապեշտի գրեթե մոլուցքային հարգանքի հետևում»,֊ասվում է հրապարակման մեջ:

Հոդվածագիրը հավելում է, որ Հունգարիայի քաղաքականությունը, որն անհամաձայնություն է հայտնում ԵՄ ընդհանուր քաղաքականությանը, ընդգծում է Եվրոպայում միասնության ակնհայտ բացակայությունը։ Վերլուծաբանի խոսքով՝ Ուկրաինայում հակամարտության սկզբից ի վեր երկիրը երբեք չի քննադատել Ռուսաստանին։ Բացի այդ՝ Հունգարիայի իշխանությունները պարբերաբար հանդես են գալիս հակառուսական պատժամիջոցների դեմ։

Ավելի վաղ Օրբանը հայտարարել էր, որ երկիրը շարունակում է դեմ լինել Եվրամիության կողմից ռուսական գազի էմբարգոյի ներդրմանը։ Նա նշել է, որ Բուդապեշտը միայնակ չէ այս հարցում։