Իսրայելի կողմից Գազայի հատվածին հասցված հարվածների հետևանքով զոհերի թիվը հասել է 32-ի. Quds News Network

Գազայի հատվածում իսրայելական ավիահարվածների հետևանքով զոհերի թիվը, ըստ վերջին տեղեկությունների, հասել է 32-ի, հայտնում է «Quds News Network»-ը՝ վկայակոչելով անկլավի առողջապահության նախարարության հայտարարությունը։

Գազայի հատվածի առողջապահության նախարարության տվյալներով՝ տուժել է 215 մարդ։

Օգոստոսի 5-ին Իսրայելի պաշտպանության ուժերը սկսեցին «Արշալույս» գործողությունը «Իսլամական ջիհադ» խմբավորման դեմ: Հարվածներ են հասցվել զենքի արտադրամասերին, զինապահեստներին և հակառակորդի կրակային դիրքերին։ Ի պատասխան՝ Իսրայելի հարավի ուղղությամբ արձակվել է մոտ 80 հրթիռ: