Իսրայելը համաձայնել է Գազայում առաջարկված հրադադարի պայմաններին. Reuters

Իսրայելը համաձայնել է Գազայի հատվածում առաջարկված հրադադարի պայմաններին։ Այս մասին հայտնում է Reuters-ը։

Նշվում է, որ այժմ պատասխան է սպասվում պաղեստինյան կողմից։ «Եգիպտոսի աղբյուրը պնդում է, որ Իսրայելը համաձայնել է Գազայում առաջարկվող հրադադարին, Կահիրեն պատասխան է փնտրում Պաղեստինից»,- ասվում է հաղորդագրությունում։

Օգոստոսի 7-ի առավոտյան Maan գործակալությունը, վկայակոչելով Գազայի առողջապահության նախարարության տվյալները, հայտնել է, որ Գազայի հատվածի հարավային նահանգներում իսրայելական ավիահարվածների հետևանքով զոհերի թիվը հասել է 29-ի, կա 253 վիրավորի։

Երուսաղեմի և Թել Ավիվի մերձակայքում հնչել են հրետակոծության մասին ահազանգող տագնապի ազդանշաններ։ Օգոստոսի 5-ի ուրբաթ երեկոյից «Իսլամական ջիհադ» զինյալները Գազայի հատվածից առնվազն 380 հրթիռ են արձակել Իսրայելի ուղղությամբ։