Արևմուտքը «սառեցրել է» Անդրկովկասի վերաբերյալ ժնևյան քննարկումները․ Զախարովա
Համաշխարհային Մամուլ
Անդրկովկասում անվտանգության ու կայունության վերաբերյալ Ժնևյան քննարկումները դարձան «աշխարհաքաղաքականության պատանդ» և փաստացի «սառեցվեցին» մի շարք արևմտյան երկրների քաղաքականության պատճառով։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, ում խոսքերը մեջբերում է գերատեսչության մամուլի ծառայությունը։
Ռուսաստանի Դաշնության արտաքին գործերի նախարարության ներկայացուցիչը նշել է, որ Վրաստանի, Հարավային Օսիայի և Աբխազիայի հարաբերությունների շուրջ 2008 թվականից ի վեր Շվեյցարիայում անցկացված քննարկումների վերջին փուլը տեղի է ունեցել անցյալ տարվա դեկտեմբերին։ «Միևնույն ժամանակ, ռուսական կողմը չի ստացել հստակ բացատրություններ բանակցությունների խափանման մասին»,֊հավելել է նա։
Նրա խոսքով, քննարկումների շուրջ ստեղծված իրավիճակի «իրական» նախապատմությունը կոլեկտիվ Արևմուտքի «վրեժն» է Մոսկվայից և Ուկրաինայում հատուկ ռազմական գործողության պատճառով Ռուսաստանին «մեկուսացնելու» քաղաքականությունը։
ՌԴ ԱԳՆ ներկայացուցիչն ընդգծել է, որ բանակցությունների հեռանկարները մնում են «մշուշոտ», և դրա պատասխանատվությունը կրում է «նման ավերիչ գործողությունների նախաձեռնողները և դրանք թույլ տվողները»։
Ամենադիտված 
Մնաս բարյավ. Րաֆֆի Հովհաննիսյան
